Наша слова

«Наша слова» — штотыднёвая газета, орган Таварыства беларускай мовы.

Ініцыятарам стварэння штотыднёвіка «Наша слова» быў народны паэт Беларусі Ніл Гілевіч. Выдавалася з сакавіка 1990 года ў Мінску як штотыднёвы бюлетэнь. Са студзеня 1991 да красавіка 1997 — штотыднёвая газета.

На пачатку 1990-х выходзіла ў друкарні «Чырвоная зорка», дзе не было абсталявання для аўтаматычнага ўкладання ўнутраных старонак, на працягу чатырох гадоў кожны нумар «Нашага Слова» ўручную збіралі Андрэй Вашкевіч з мамай.

Змяшчала інфармацыйныя, публіцыстычныя, гістарычныя, палемічныя, агітацыйныя і мовазнаўчыя матэрыялы па праблемах беларускай мовы і культуры.

Рэспубліканская рада ТБМ прыняла 26 верасня 1997 года пастанову пра ўзнаўленне выдання, што было даручана Лідскай радзе ТБМ. З лістапада 1997 года газета выходзіць у Лідзе як прыватнае штотыднёвае выданне для дзяцей старэйшага ўзросту.

Станам на 2016 год, уваходзіла ў асацыяцыю выдаўцоў рэгіянальнай прэсы «Аб’яднаныя Масмедыі».

Вікіпедыя