Новы мурал у Лідзе з’явіўся на будынку інтэрната Лідскага малочна-кансервавага камбіната па вул. Транспартнай, 4, к. 1. Праект распрацаваны і рэалізаваны камандай Urban Myths.
«У беларускім фальклоры і паэзіі «Млечны шлях» — не проста астранамічная з’ява, але сімвал дарогі. У народзе яго называюць «Птушынай дарогай» — шляхам, па якім птушкі ляцяць у вырай, а душы продкаў адпраўляюцца ў свет багоў. Жанчына з малаком на мурале — сімвал пачатку, урадлівасці і сувязі пакаленняў. Яна ўвасабляе Маці-Зямлю, якая дорыць жыццё», — гаворыцца на старонцы аднаго з мастакоў у сацыяльнай сетцы.
«На нашым мурале малако з яе гарлячыка ператвараецца ў дарогу для птушак і нябесную раку сярод васільковага поля — сімвал бясконцага жыцця, традыцыі і гармоніі».
«Бизнес-Лида», 2025
