12 февраля 2015

Раённы пракурор падаў у суд на экс-кіраўніка «Мажэйкава» на выплату кампенсацыi шкоды прадпрыемству

У 2012 годзе на трасе Мінск — Гродна адбылася гучная аварыя. Былы член савета рэспублікі, кіраўнік сельгаспрадпрыемства «Мажэйкава» Казімір Рахатка на службовым джыпе «Таёта Лэнд Крузэр» пратараніў невялічкі «Опель Астру».

Прычым сітуацыя была такая: на пустой дарозе «Таёта» выехала на сустрэчную паласу. У «Астры» ехалі шэсць чалавек.

Кіроўца, яго жонка і 8-гадовая дачка, цешча і цесць, жончына сястра — усе трапілі ў бальніцу. 53-гадовы цесць у рэанімацыі памёр. Астатнія атрымалі пераломы рук і ног, у жонкі кіроўцы праблемы з хрыбтом. Рахатка таксама папаў у бальніцу. Праўда, з меншымі траўмамі.

На былога сенатара завялі крымінальную справу за парушэнне Правіл дарожнага руху, што пацягнула па неасцярожнасці смерць чалавека. Але ў выніку ў канцы года расследаванне ціха спынілі. Тады гэты факт не афішаваўся.

Як паведаміла нам прадстаўніца Следчага камітэта Юлія Ганчарова, віна абвінавачанага была даказана. Ён яе прызнаў. І было прынятае рашэнне спыніць справу «ў сувязі з актам амністыі».

Падставамі сталі паважны ўзрост Рахаткі і тое, што злачынства здзейснена не наўмысна.

Але з часам узнікла новая калізія. Казімір Рахатка рамонт службовага джыпа правёў за грошы свайго прадпрыемства.

Раённы пракурор палічыў гэта незаконным. І падаў у суд — на кампенсацыю шкоды Лідскаму раённаму сельскагаспадарчаму ўнітарнаму прадпрыемству «Мажэйкава», якое шмат гадоў Рахатка і ўзначальваў.

Аказалася, што за рамонт «Таёты» «Мажэйкава» выплаціла 342 773 100 рублёў.

Гэта шалёныя грошы, тым больш для вёскі. На канец 2012 года гэта склада- ла амаль $40 тысяч — цана новай машыны.

Лідскі раённы суд 29 кастрычніка 2014 гэтую суму зменшыў удвая: Рахатку абавязалі выплаціць 170 мільёнаў.

Але экс-сенатар палічыў і гэтую суму надта высокай — вырашыў абскарджваць.

«Я прасіў бы зменшыць кампенсацыю шкоды ў сувязі з тым, што 30 гадоў адпрацаваў на прадпрыемстве… Хуткасці я не перавысіў, проста выйшаў на левы бок руху і нешта здарылася па стане здароўя», — прасіў Рахатка на пасяджэнні абласнога суда 26 студзеня.

І звяртаў увагу, што ўся сума — гэта рамонт аўто з улікам агульнай амартызацыі, а не толькі наступстваў аварыі. «Гэтаму джыпу ўжо 12 гадоў».

Вядома, што падчас рамонту салон джыпа абцягнулі скурай.

«Бо сядушкі ўжо былі падраныя», — наракаў Рахатка.

Праўда, цяпер суду, каб вызначыць, якая сума пайшла на рамонт менавіта пашкоджанняў ад аварыі, трэба звяртацца да экспертаў.

«Хто будзе плаціць за экспертызу? — пытаўся суддзя. — Эксперт палец на палец не пакладзе без аплаты. Будзеце плаціць?» 

«Не, не буду», — аднекваўся Рахатка. «Мажэйкава» таксама адмовілася.

У выніку калегія суддзяў прыняла рашэнне прыпыніць справу і прызначыць экспертызу. А выдаткі па яе правядзенні пакуль ускласці на прадпрыемства.

Казімір Рахатка адмовіўся адказаць на пытанні журналіста «Нашай Нівы». Сказаў толькі, што пакінуў дырэктарства ў «Мажэйкаве» год назад. Не па сваім жаданні.

 

Казімір Рахатка нарадзіўся ў верасні 1952 года. Па адукацыі ён інжынер-механік, эканаміст-менеджар. Узначальваў ЛРСУП «Мажэйкава». Член савета рэспублікі (2000–2008). У 2003 у Акадэміі навук абараніў кандыдацкую дысертацыю «Рэгуляванне аграрных адносін ва ўмовах трансфармацыйнай эканомікі Рэспублікі Беларусь». У 2010 быў членам ініцыятыўнай групы па вылучэнні Лукашэнкі кандыдатам у прэзідэнты.
 
«Мажэйкава» — адно з найбуйнейшых сельскагаспадарчых прадпрыемстваў краіны. Там займаюцца гароднінай, жывёлагадоўляй, вытворчасцю гарэлкі. У 2005 «Мажэйкава» стала пераможцам «Дажынак». Праўда, у 2013 «Мажэйкава» перайшло ў катэгорыю стратных. Запазычанасць па крэдытах складала 88 мільярдаў рублёў. Новы кіраўнік прадпрыемства — Пётр Роўба.

Видео-архив:

Источник: Наша Нiва
 

Комментарии 5

Чтобы написать комментарий нужно войти  или зарегистрироваться

Катя Лисичкина , 12 февраля 2015, 16:49#
На днях буквально вспоминала данный случай и не могла вспомнить понес ли Рохатко наказание за содеянное. прочитав статью, понимаю, что не понес. Так и в случае с фермером и 12-тилетней девочкой ни кто не понесет ответственности кроме ее мамы. очень жаль...
Я мзду не беру. Мне за державу обидно...
Uladzimir , 12 февраля 2015, 17:41#
Ёсць яшчэ у нас пракуроры, якiя судзяцца з левiяфанамi
Лида #1667 , 14 февраля 2015, 18:01#
У меня сложилось впечатление что наказание понесло "Можейково" и семья искалеченная, а Рохатко это "как буд-то" не винная жертва?
Лида #1667 , 14 февраля 2015, 18:01#
У меня сложилось впечатление что наказание понесло "Можейково" и семья искалеченная, а Рохатко это "как буд-то" не винная жертва?
Саша #2202 , 14 февраля 2015, 19:24#
Если друг оказался вдруг ,и не друг и не враг а ..... .Пестня .Владимир Семёнович Высоцкий .