13 ноября 2019

Купалаўскі тэатр едзе ў Ліду!

15 лістапада ў лідскім палацы культуры купалаўцы прадставяць спектакль «ART» Нацыянальнага акадэмiчнага тэатра імя Янкi Купалы.

Гісторыя пра тое, ці вытрывае мужчынскае сяброўства выпрабаванне. Не, не каханнем да жанчыны, не грашыма і не палітыкай, а... мастацтвам.

"Псеўдаінтэлектуальная" камедыя вядомага французскага драматурга Ясміны Рэза распавядае пра трох 40-гадовых сяброў, якія перажываюць крызіс сярэдняга веку.

"Псеўда" — таму што аўтар п'есы парадыруе і ўтрыруе разважанні пра сучаснае мастацтва, насміхаючыся над супрацьстаяннем мужчынскага самалюбства. З-за чаго можна пасварыцца з лепшым сябрам?

Калекцыянер карцін Серж набыў белае палатно за шалёныя грошы. Ці рады за яго сябры? Ва ўсялякім выпадку, героі адчайна спрачаюцца. Чым жа скончыцца гэтая гісторыя пра мастацтва чалавечага паразумення?

Спектакль ідзе на беларускай мове. Рэжысёр-пастаноўшчык Мікалай Пінігін. Сцэнограф Аляксандр Арлоў. Мастак па касцюмах Людміла Ганчарова.

Пачатак а 19:00. Працягласць — 1 гадзіна 45 хвілін. Кошт квіткоў — 10-12 рублёў.


«Бизнес-Лида», 2019.

Если вы заметили ошибку в тексте, пожалуйста, выделите её и нажмите Ctrl+Enter

Комментарии 0

Нет ни одного комментария. Вы можете стать первым!

Чтобы написать комментарий нужно войти  или зарегистрироваться