9 ноября 2016

У Ліду прыедзе праект «Чытаем па-беларуску з velcom»

Адукацыйны праект «Чытаем па-беларуску з velcom», які з поспехам прайшоў у мінскіх школах, будзе працягнуты ў рэгіёнах Беларусі. Асветніцкая ініцыятыва па папулярызацыі беларускай мовы і літаратуры ахопіць 25 школ Гродзенскай вобласці. 

Першыя ўрокі для малодшых школьнікаў будуць арганізаваны ў лiстападзе і снежнi 2016 года ў Гродне, Лiдзе, Слонiме, Ваўкавыску, Смаргонi i Навагрудку. А напачатку новага навучальнага года каманда праекта «Чытаем па-беларуску з velcom», у якую ўвайшлі вядомыя беларускія пісьменнікі і паэты,  прыедзе з захапляльнымі заняткамі ў школы Брэста і Брэсцкай вобласці.

Плануецца, што праект ахопіць у агульнай колькасці 150 школ па ўсёй Беларусі, і больш 15 000 вучняў пачатковых класаў атрымаюць  дадатковыя веды па роднай беларускай мове, літаратуры і культуры. Настаўнікі праекта — вядомыя беларускія пісьменнікі, акцёры і тэлевядучыя: Уладзімір Ліпскі, Раіса Баравікова, Юры Жыгамонт, Таццяна Сівец, Алена Масла. Падчас урокаў у абласных і раённых цэнтрах вучні змогуць не толькі пазнаёміцца з сучаснымі беларускімі пісьменнікамі і іх творамі,  але і атрымаюць практычныя навыкі роднай мовы ў захапляльнай форме. Ініцыятарам праекта выступіла кампанія velcom пры падтрымцы Міністэрства адукацыі Рэспублікі Беларусь.

Прэс-сакратар Міністэрства адукацыі Рэспублікі Беларусь Юлія Ваніна адзначыла: «Мы вельмі радыя, што адукацыйны праект «Чытаем па-беларуску з velcom» выходзіць у рэгіёны. Гэта азначае, што ініцыятыва падтрымана не толькі дарослымі, але, галоўнае, цікава дзецям. Вельмі важна фарміраваць культуру чытання і прывіваць любоў да кнігі малодшым школьнікам. І мы вельмі спадзяемся, што да праекта далучацца і іншыя беларускія пісьменнікі, публіцысты, баечнікі і паэты».

Пісьменніца Раіса Баравікова падзялілася сваімі ўражаннямі ад удзелу ў праекце: «Для пісьменніка ўдзел у праекце — гэта магчымасць дапамагчы настаўнікам адкрываць для дзяцей чароўны свет роднай мовы і літаратуры, пашыраць далягляд і асабіста знаёміць дзяцей з творчасцю беларускіх літаратараў. Пасля першых заняткаў праекта «Чытаем па-беларуску зvelcom»  у Мінску вучні і настаўнікі пакінулі выдатныя водгукі. Тамуцудоўна, што праект працягваецца: на мой погляд, кампанія velcom пачала вельмі патрэбны праект для школ нашай краіны».

Галоўная задача сацыяльнага адукацыйнага праекта «Чытаем па-беларуску з velcom» — падтрымаць і развіць цікавасць да беларускай мовы і літаратуры ў малодшых школьнікаў. Спецыяльна для праекта былі распрацаваныя інтэрактыўныя ўрокі, распавядае delaemvmeste.by.


«Бизнес-Лида», 2016.

Если вы заметили ошибку в тексте, пожалуйста, выделите её и нажмите Ctrl+Enter

Комментарии 0

Нет ни одного комментария. Вы можете стать первым!

Чтобы написать комментарий нужно войти  или зарегистрироваться