ААТ “Лідскае піва” прадставіла 2 новыя гатункі ў лінейцы “Калекцыя Майстра” — “IPA” і “Ginger Beer”. Папулярныя брытанскія гатункі піва зварыў півавар кампаніі Алег Малахаў.

IPA (ад англ. India Pale Ale — “індыйскі бледны эль”) — адзін з самых папулярных крафтавых гатункаў піва ў свеце. Гэта традыцыйны эль, у які дададзена вялікая колькасць хмелю. З’явіўся ён у Англіі ў XIX стагоддзі, яго рабілі спецыяльна для падданых імперыі ў Індыі. Менавіта гэты шчодра ахмелены моцны эль асабліва добра вытрымліваў працяглы перыяд транспарціроўкі.

Ginger Beer (ад англ. — “імбірнае піва”) — спецыяльны гатунак светлага піва, звараны з дабаўленнем натуральнага імбіру, які надае піву прыемны водар і пікантную вастрыню. Шырока распаўсюджаны ў Англіі, ЗША і Германіі.

“IPA” звараны ў найлепшых традыцыях англійскіх эляў з дабаўленнем асаблівых гатункаў хмелю: Hallertau Saphir, Perle, Comet, Mosaic, Ella, — якія надаюць піву выразна адчувальную горыч ў смаку (40 IBU) і прыемны фруктовы водар. Дзякуючы спецыяльна падабраным гатункам соладу — Pale Ale і Crystal — колер піва атрымліваецца бурштынавым, а ў смаку пераважаюць соладавыя ноткі. Утрыманне алкаголю — 5,2%. Масавая доля сухіх рэчываў — 12%.

Пры варцы выкарыстоўваліся спецыяльныя дрожджы верхавога браджэння, прызначаныя для вытворчасці эляў. Пабочныя прадукты гэтай расы дрожджаў надаюць піву дадатковыя тонкія фруктовыя тоны. “IPA” з “Калекцыі Майстра” адпавядае нямецкаму закону аб чысціні піваварэння.

“Ginger Beer” з “Калекцыі Майстра” — гатунак светлага піва, звараны з дабаўленнем натуральнага імбіру, які надае піву прыемны яркі водар і пікантную вастрыню. Пры варцы выкарыстоўваліся натуральныя дрожджы, хмель, солад, ачышчаная артэзіянская вада і экстракт імбіру. Утрыманне алкаголю — 4,2%. Масавая доля сухіх рэчываў — 10%. Піва мае сагравальны эфект, што актуальна для зімовага сезону і навагодніх святаў.

““Ginger Beer” ацэняць перш за ўсё тыя, хто любіць імбір – ён дастаткова спецыфічны на смак, таму падабаецца далёка не ўсім. Але ў нашым піве смак імбіру вельмі гарманічны, лёгкі, ледзь улоўны. Ён не дамінуе над астатнімі смакамі,” — распавёў півавар кампаніі “Лідскае піва” Алег Малахаў. ““IPA” — больш моладзевы гатунак. Ён будзе даспадобы некансерватыўным людзям, якія любяць перамены і эксперыменты, мабільным, актыўным і тым, хто марыць спрабаваць новае”.

Піва выпускаецца абмежаванай партыяй — разліта 160 тысяч літраў “IPA” і 110 тысяч літраў “Ginger Beer”.

““Лідскае піва” стала першым прамысловым прадпрыемствам у Беларусі, якое адкрыла катэгорыю “крафтавага піва” для масавага спажыўца. Мы разумелі, што на беларускім рынку дастаткова абмежаваны ў плане смакаў і гатункаў асартымент — на паліцах да гэтага часу дамінуе класічны лагер. Нам вельмі хацелася гэта змяніць. Мэта каманды “Лідскага піва” — даць магчымасць беларусам у межах сваёй краіны спрабаваць нешта новае і незвычайнае. У год 140-годдзя нашай кампаніі мы планавалі зварыць 2 новыя “крафты”, а атрымалася 3! Сёння ў нас вельмі амбiцыйныя планы наконт “Калекцыі Майстра”, мы не плануем спыняцца на дасягнутым. Думаю, што “Лідскае піва” парадуе спажыўца неардынарнымі крафтавымі навінкамі!” — пракаментаваў Аўдрыус Мікшыс, генеральны дырэктар кампаніі “Лідскае піва”.

Піўныя гурманы могуць пазнаёміцца не толькі з новымі смакамі, але і з абноўленым выглядам крафтавай лінейкі. У “Калекцыі Майстра” з’явіўся свой лагатып, цалкам абнавіўся дызайн этыкетак –— строгі чорны колер саступіў месца насычаным фарбам. На бутэльцы “IPA” можна ўбачыць спалучэнне моднага адцення аквамарынавага колеру і глыбокага сіняга, а на “Ginger Beer” — лаканічную аранжава-чырвоную кампазіцыю, якая падкрэслівае сагравальны эфект імбіру. Навінкі ад “Лідскага піва” цалкам адпавядаюць стылістыцы сучасных сапраўдных крафтавых гатункаў.

Для выбару новага дызайну брэнда праводзілася серыя фокус-групавых даследаванняў, да якіх прыцягваліся не толькі спажыўцы піва, але і эксперты піўной катэгорыі (блогеры, лідары меркаванняў).

Камунікацыя брэнда “Калекцыя Майстра” рэалізавана на беларускай мове.

Гатункі “IPA” і “Ginger Beer” паступяць у продаж 1 лістапада 2016 года. Кошт бутэлькі аб'ёмам 0,33 л складзе 1,5 рубля, распавядае ipr.by.

Чрезмерное употребление алкоголя вредит вашему здоровью!

«Бизнес-Лида», 2016.