19 декабря 2016

Самай хуткай у забегу Дзядоў Марозаў і Снягурак на 400 метраў стала прадстаўніца Ліды Валянціна Чымбар

Ужо восьмы навагодні прабег Дзядоў Марозаў cа Снягуркамi прайшоў у Гродне 17 снежня. У ім прынялі ўдзел 107 аматараў зімовага бегу. Колькасць удзельнікаў у параўнанні з мінулым годам зменшылася, а вось медалі сталі прыгажэйшымі ды палепшылася іх якасць.

Гэтым разам у Гродна прыехалі прадстаўнікі розных гарадоў Беларусі, у тым ліку госці з Польшчы і Расіі.

«Наш навагодні забег ужо стаў добрай традыцыяй. Ужо восьмы раз мы сустракаемся ў снежні на стадыёне» Нёман». Удзел у забегу прынялі не толькi аматары бегу, але і звычайныя гродзенцы i прадстаўнікі іншых відаў спорту», — расказаў старшыня ўпраўлення спорту і турызму аблвыканкама Алег Андрэйчык.

Самай хуткай у забегу Дзядоў Марозаў і Снягурак на 400 метраў стала прадстаўніца Ліды Валянціна Чымбар.

У чатырохкіламетровай навагодняй дыстанцыі па тэрыторыі спарткомплексу ва ўпартай барацьбе перамога дасталася гродзенскаму спартоўцу Арцёму Логiшу.

Дарэчы, самы малады ўдзельнік навагодняга прабегу меў 8 гадоў, а самому старэйшаму было 78, распавядае hrodna.life.


«Бизнес-Лида», 2016.

Комментарии 0

Нет ни одного комментария. Вы можете стать первым!

Чтобы написать комментарий нужно войти  или зарегистрироваться