24 января 2017

«Лідскае піва» абнавіла карпаратыўны сайт, якi пачаў працаваць на беларускай мове

24 студзеня ААТ «Лідскае піва» абнавіла карпаратыўны сайт. У галоўнага інфармацыйнага рэсурсу прадпрыемства з'явілася свежае стыльнае аблічча і іншы адрас — lidskae.by.

Новы сайт прыцягне тых, хто цікавіцца «Лідскім», Лідай, півам і Беларуссю. Карыстальнікі сайта могуць «падарожнічаць у часе» — разглядаць віды Ліды XIX-XXI стагоддзяў. Галоўная старонка сайта ўяўляе сабой працяглую панараму (у выглядзе стужкi часу — таймлайна), асновай для якой сталі эксклюзіўныя ілюстрацыі мастака і графічнага дызайнера Лёшы Лімонава. Матывы для сюжэтаў з'явіліся дзякуючы багатай гісторыі рэгіёну і самога «Лідскага піва». Крыніцай фактаў стала кніга лiдскага гiсторыка Валерыя Сліўкіна.

«Папярэдняя версiя сайта была адчынена ў 2011 годзе, за гэты час яна састарэла і перастала спраўляцца з усімі ўскладзенымі на яе задачамі. Сайт абнавiўся не толькi знешне, новая версiя перашла на дамен lidskae.by i адразу пачала працаваць на беларускай мове.

Гэтыя змены не выпадковыя i вельмi важныя для нас. Даменнае iмя i сайт на роднай мове падкрэсліваюць беларускія карані кампаніі і робіць адсылку да флагманскага піўнога брэнда «ЛІДСКАЕ». Частка прадуктаў ААТ «Лідскае піва» — піва «ЛІДСКАЕ» і крафтавая лінейка «Калекцыя Майстра» — ужо мае зносіны са спажыўцамi па-беларуску. Новы сайт будзе развіваць нашу карпаратыўную сацыяльную місію па пашырэнні выкарыстання беларускай мовы ў кампаніі і за яе межамі. Усяго ў сайта будзе 3 моўныя версіі: руская і ангельская пачнуць працаваць у лютым. Карыстальнікі змогуць чытаць сайт на той мове, на якой яны лепш успрымаюць інфармацыю», — распавяла Iрына Капiлава, дырэктар па маркетынгу ААТ «Лiдскае пiва».

Сайт мае зручную i зразумелую навігацыю. Cпасылкі на бягучыя праекты вынесены на галоўную старонку асобна. У раздзеле «Кампанія» сабрана інфармацыя аб заводзе, уключаючы ўзнагароды. Блок «#Лідскае» раскажа пра «Лідскі бар» і аб тым, як трапіць на экскурсію на завод. Створана і мабільная версія сайта.

Для гатункаў піва, знятага з вытворчасці, створаны «Піўной архіў», які захавае візуальны вобраз бутэлькі альбо этыкеткi і апісанне гатунку.

«Мы глыбока пагрузіліся ў каштоўнасці брэнда», — кажа Таццяна Рагоўская, дырэктар па рабоце з кліентамі міжнароднай кампаніі Red Graphic Interactive Agency. «I у нас з’явiлася ідэя: lidskae.by — гэта гісторыя завода, выкладзеная голасам ўяўнага сучаснага гісторыка штодзённасці; і ў той жа час — зручны інфарматыўны зборнік ўсіх гатункаў “Лідскага”».

Новы сайт lidskae.by выглядае як спецыяльны выпуск любімага часопіса пра гісторыю і культуру пiцця. Над праектам працавалі Захар Шлімакоў, Таня Рагоўская, Надзея Зелянкова, Аляксей Русецкі, Дзяніс Клявіцкі і каманда аддзела маркетынгу «Лідскага піва». 

ЧРЕЗМЕРНОЕ УПОТРЕБЛЕНИЕ АЛКОГОЛЯ ВРЕДИТ ВАШЕМУ ЗДОРОВЬЮ!

Інфармацыю падрыхтавала IPR – першае PR-агенцтва ў Беларусі.


«Бізнес-Ліда», 2017.

Если вы заметили ошибку в тексте, пожалуйста, выделите её и нажмите Ctrl+Enter

Комментарии 10

Чтобы написать комментарий нужно войти  или зарегистрироваться

Sten , 24 января 2017, 22:50#
Павага "Лідскаму" за стаўленне да беларускай мовы.
Viktat , 25 января 2017, 08:22#
Стен пишите и дальше комментарии на мове, а то из 47 написанных вами комментариев 45 и объявления на русском.
Сергей , 25 января 2017, 10:32#
Виктат, что плохого, что Sten начал использовать белмову в комментах? Или вам скучно стало, решили минирасследование провести?))
Viktat , 25 января 2017, 12:11#
Объясните тогда, почему статья написана на белорусском, а предупреждение о вреде алкоголя на русском. Что пьют до вреда здоровью только русские, а остальные трезвенники?
Сергей , 25 января 2017, 16:21#
Что и сколько пьют русские, это их дело. Я не понимаю причём тут Sten, с его беларускамоўным комментом.
Sten , 25 января 2017, 20:59#
Viktat, вельмі задаволены, што вам спадабалася, паслухаю вашай рады, зараз буду пісаць толькі на беларускай.
Viktat , 26 января 2017, 17:54#
Сudownie.
Эдвард , 24 января 2017, 22:57#
А лекции с Massachusetts Institute of Technology будут?
Alex #6271 , 25 января 2017, 00:23#
Жаль только, что пиво от этого лучше не стало.
Sten , 25 января 2017, 21:14#
А чаго вы губляецеся, зрабіце прапанову з жаданымі паляпшэннямі. А можаце запісацца на экскурсію, весці яе будзе галоўны тэхнолаг, вось яму асабіста і параіце змены тэхналагічнага працэсу.