Кірмаш праектаў – гэта спосаб прадэманстраваць публічна сваю даўнюю ці свежапрыдуманую ідэю, каб зрабіць горад больш разнастайным, утульным, насычаным цікавымі сустрэчамі і падзеямі; горад, з якога не хацелася б з’язджаць ніколі.
Маеце ідэі? Грамадская культурніцкая кампанія «Будзьма беларусамі!» і Цэнтр даследавання грамадскага кіравання SYMPA абвяшчаюць конкурс культурніцкіх і сацыяльных ідэй «Кірмаш праектаў» і прапануюць абмеркаваць іх разам!
«Кірмашы праектаў мы ладзім па ўсёй краіне, і ў кожным горадзе яны спрыяюць з’яўленню новых адметных ідэяў. А дзякуючы публічнасці робяцца рэчаіснасцю», — распавядаюць аўтары.
Кірмаш праектаў – гэта магчымасць падзяліцца сваёй ідэяй і натхніць іншых людзей разам яе рэалізаваць.
Як адбываецца Кірмаш?
Этап 1. Збор ідэяў
Удзельнічаць у конкурсе можа любы ахвочы незалежна ад статусу і ўзросту. Дастаткова падаць заяўку і апісаць ідэю, якая ідзе на карысць Лідзе і яе жыхарам.
Ідэю трэба прадставіць у фармаце прэзентацыі PowerPoint і аналагічных з указаннем наступных звестак:
- інфармацыю пра аўтараў (прозвішча, імя, арганізацыя, назва праекта, кантактны нумар тэлефона);
- назву ідэі/праекта;
- мэту і сутнасць ідэі;
- чаму і каму гэта неабходна;
- калі і дзе ідэя мусіць рэалізавацца;
- якія рэсурсы вы ўжо маеце і якія – шукаеце? (каманда, партнёры, бюджэт).
Даслаць ідэю трэба да 20 лютага ўключна на kirmash.praektau@gmail.com з пазнакай «Кірмаш праектаў-Ліда».
Этап 2. Публічная прэзентацыя праектаў, дзе вы зможаце:
- распавесці пра сваю ідэю шырокай і невыпадковай аўдыторыі (афіцыйныя асобы, грамадскія актывісты, прадстаўнікі бізнесу, турызму і іншыя зацікаўленыя);
- атрымаць парады экспертаў і народную ацэнку свайго праекта;
- знайсці партнёраў, валанцёраў, пляцоўкі і рэсурсы для рэалізацыі вашай ідэі;
- пазнаёміцца з іншымі цікавымі і ініцыятыўнымі людзьмі свайго горада;
- натхніць сваім прыкладам тых, хто таксама мае файныя ідэі, але пакуль не асмеліўся выйсці з імі на публіку.
Этап 3. Адбор і абвяшчэнне пераможцаў
Пасля выніковай імпрэзы экспертная рада конкурсу адбярэ найбольш цікавыя праекты з канкрэтнымі крокамі па рэалізацыі, новымі падыходамі да вырашэння праблем і культурна-сацыяльным кірункам. А таксама акажуць усю магчымую дапамогу: ад кансультацый да рэалізацыі.
- Тэлефоны (29) 7843221, (29) 1068594.
Як адбываліся Кірмашы ў іншых гарадах: Віцебск, Маладзечна, Бабруйск.
Сустрэча в Лiдзе пройдзе 23 лютага ў «GA11ERY» — гэта месца, якое створана, каб аб'яднаць творчых асоб, дзе кожны, каму ёсць, што паказаць, змог бы знайсці магчымасць для рэалізацыі сваіх праектаў і думак...
«GA11ERY» знаходзiцца: Ліда, бульвар Князя Гедыміна 12, п. 11. (gallery11.by)
- Тэлефон (33) 311-10-03.
Также, существует альтернативное мероприятие — gorodproject.by.
«Город» — это уникальный формат, объединяющий настоящее шоу и реализацию городских проектов. Уже во второй раз всем белорусам предоставляется шанс побороться за финансирование своей идеи под прицелами видеокамер. Съемки шоу стартуют в марте.
Проект дает возможность реализовать мечту и сделать свой город лучше. Заявки на финансирование принимают до 28 февраля!
Ознакомиться с подробностями можно на сайте проекта.
«Бiзнес-Лiда», 2017.
