9 ноября 2018

Улады дазволілі ўсталяванне помніка Юліусу Столе

Міністэрства культуры адобрыла з’яўленне ў Бярозаўцы помніка заснавальніку шклозавода «Нёман» Юліусу Столе. Гэтай ініцыятывай займаюцца мясцовыя актывісты, у тым ліку Руху «За Свабоду».

«Разглядзеўшы лісты Бярозаўскага гарадскога выканаўчага камітэта, Міністэрства культуры падтрымлівае ідэю стварэння і ўсталёўцы памятніка Ю.А. Столе ў г. Бярозаўка за кошт пазабюджэтных (спонсарскіх) сродкаў», — сказана ў лісце за першага намесніка міністра І. Дрыгі.

Па словах чыноўніка, з улікам значэння асобы Столе для гісторыі рэгіёну ведамства лічыць, што трэба правесці конкурс эскізных праектаў помніка з уключэннем у журы прадстаўнікоў Рэспубліканскага мастацка-экспертнага савета па манументальнаму і манументальна-дэкаратыўнаму мастацтву.

«Мы ведалі, што дзяржаўная машына працуе марудна, таму хуткага адказу не чакалі. Так яно і выйшла. Тым не менш, станоўчы адказ міністэрства мы вітаем і распачынаем другі этап нашай ініцыятывы — збор сродкаў на сам помнік», — пракаментаваў рашэнне сябра Руху «За Свабоду» Вітольд Ашурак.

Збор сродкаў ідзе на краўдфандынгавай платформе «Талака».

Па ягоных словах, асоба Юліюса Столе для яго — гэта сімвал паспяховага прадпрымальніка, які рэалізаваў свой патэнцыял, у выніку чаго з’явіўся цэлы горад працавітых, амбітных і актыўных людзей — Бярозаўка.

З ініцыятыўнай групай, якая займаецца ўсталёўкай помніка Столе, сустракалася і прапраўначка Юліюса Столе Вольга Рачыньская, паведамляе pyx.by.

Смотрите также:


«Бизнес-Лида», 2018.

Если вы заметили ошибку в тексте, пожалуйста, выделите её и нажмите Ctrl+Enter

Комментарии 2

Чтобы написать комментарий нужно войти  или зарегистрироваться

Вітольд Ашурак , 9 ноября, 19:19#
Усё ідзе па плану!
pilipson , 9 ноября, 21:38#
Витольд красава