Лiда рыхтуецца да XI Фэста экскурсаводаў! Па усёй краiне ён пройдзе 25-26 красавіка

У 2020 годзе адбудзецца адзiнаццаты Фэст экскурсаводаў! 25-26 красавіка 2020 г. сотні экскурсій пройдуць па ўсёй краіне і за яе межамі.

Арганiзатары шчыра запрашаюць вас далучыцца да гэтай падзеі. Няхай вашыя веды, досвед і захапленне Беларуссю распаўсюдзяцца як мага шырэй. Давайце падорым нашым людзям сапраўднае свята і дакажам, што экскурсіі — гэта самы лепшы адпачынак.

Каардынатар праекта Таццяна Гайдук:

«Сёлета мы працягнем тэму Года малой радзімы, таму вельмі хочам зрабіць акцэнт на экскурсіях за межамі Мінска. Таксама мы хочам прыцягнуць прадпрыемствы, тэатры і іншыя значныя аб'екты, каб можна было правесці экскурсію па гэтым месцам. Але больш падрабязная інфармацыя аб маючым адбыцца фэсце з'явіцца толькі пасля заканчэння прыёму заявак.

Яшчэ адной важнай падзеяй гэтага года з'яўляецца конкурс паштовак, які мы ўпершыню правялі на юбілейным дзясятым фестывалі бясплатных экскурсій у 2019 годзе. Сутнасць конкурсу заключаецца ў тым, што кожны жадаючы можа даслаць нам фота/малюнак/калаж, які адлюстроўвае яго бачанне «Фэста экскурсаводаў». Пасля заканчэння прыёму работ, арганізацыйны камітэт фэсту абярэ лепшыя варыянты паштовак і надрукуе іх да фестывалю. Пераможцы конкурсу атрымаюць дыпломы і змогуць наведаць любыя экскурсіі фестывалю на іх выбар. Акрамя таго, плануецца правесці шэраг лекцый, але, зноў-такі, многае будзе залежаць ад пададзеных заявак».

Festguides.by


«Бизнес-Лида», 2020. 

Если вы заметили ошибку в тексте, пожалуйста, выделите её и нажмите Ctrl+Enter

Комментарии 1

Чтобы написать комментарий нужно войти  или зарегистрироваться

Вітольд Ашурак , 15 марта 2020, 01:39#
Прыемная навіна.