13 марта 2020

Лiдчанiн Лявон Анацка прабяжыць 5000 км у Нью-Йорку

Лідчанін Лявон Анацка – незвычайны чалавек. Яму быццам падабаецца выпрабаваць свае магчымасці. У 58 гадоў ён спа-койна можа бегаць па снезе, не спаць па двое сутак, без стамлення працаваць і пры гэтым быць на «сухім» голадзе. Ён гаворыць, што ў дзяцінстве быў кволым і не мог нават падумаць, што калісьці, калі жыццёвы гадзіннік адлічыць за 50, будзе бегаць марафоны.

Сёння за плячыма Лявона звыш 80 тысяч кіламетраў, якія ён прабег на розных дыстанцыях у 16 краінах свету – ЗША, Францыі, Велікабрытаніі, Чэхіі, Польшчы, Расіі і г.д. Дзясяткі медалёў на шыі ці бадзёрая ўсмешка на твары – што больш упрыгожвае лідскага бегуна?.. Складана адказаць.

Свой першы забег Лявон помніць добра – дыстанцыя ў Маладзечна. На гэту аванцюру 5 гадоў назад яго запрасіў сябра. Лявон прабег 67 кіламетраў за 12 гадзін пры спякоце ў 34°С! Жах! Але яму спадабалася. Гэта і быў пачатак новага этапу жыцця. Чым далей – тым больш… Самы доўгі марафон у «кар’еры» лідскага бегуна – гэта забег, дзе ён пераадолеў 1078 кіламетраў за 10 сутак.

– Раней бегаць не было ні часу, ні вольнай жыццёвай энергіі. Ногі насілі толькі па справах. Спачатку вучоба, потым сям’я, дзеці, праца. Пазней сталыя бацькі, якія патрабавалі дагляду. Няма чаго граху таіць: на мужчыне ляжыць шмат абавязкаў. А цяпер я не жанаты, дзеці дарослыя, у іх сваё жыццё. I я займаюся тым, што жыву ў згодзе з прыродай і ўласным разуменнем, – гаворыць субяседнік.

– Як вы рыхтуецеся да кожнага марафону? 

– Насамрэч усё маё жыццё – падрыхтоўка да чарговага забегу (усміхаецца). Я ўвогуле шмат рухаюся. Гэта і ёсць мой адрэналін. Каву і гарбату нават не спрабую, ужываю толькі ваду з лімонам. Ем простую ежу. Вось тапінамбур выкапаў на агародзе – больш і не трэба! А беларускую капусту з сабой і ў Еўропу вазіў не раз. І вельмі важна не пераборшчваць – лепш не даесць, чым перасыціцца. Гэта не толькі ежы датычыцца, але і працы, спраў сардэчных (зноў усміхаецца), амаль усяго. Вашым чытачам я б даў такую параду: хочаце, каб у вас быў ціск, як у касманаўта, успомніце прыказку «Голад не цётка»… Але, увага! Гэта не ўся прамова: «Голад не цётка, а родная матка». У гэтым і ёсць соль: майце ўстрыманне ва ўсім.

Лявон Анацка ведае, што гаворыць. Ен фінішуе ў марафонах амаль заўсёды ў ліку першых таму, што не рвецца ў бой заўзята – разлічвае свае сілы, прыглядаецца да сапернікаў. А потым у самы адказны момант выдае рэзультат. 

14 чэрвеня лідчаніна чакае новае выпрабаванне сілы і духа – Нью-Йоркскі забег на дыстанцыю ў 3100 міляў (4987 км). Лявон цвёрда намераны пераадолець гэты складаны маршрут. Дарэчы ён стане першым беларусам, які рызыкне прыняць удзел у дадзеным марафоне.

– Калі я бягу, уяўляю твары сваіх дзяцей, унучкі, родных і блізкіх мне па духу людзей. Яны далёка ад мяне, але бліжэй і нельга ўявіць – у маім сэрцы. Таксама мяне, як любога нармальнага мужчыну, натхняюць жанчыны (усміхаецца). І гэты Нью-Йоркскі марафон я пабягу для іх, для кожнай з вас, лідчанкі! 

Лявон Анацка – бягун-аматар, легкаатлет і жыццялюб, якіх яшчэ пашукаць трэба, згадзіўся расказаць чытачам «ПВ» свой сакрэт, як не хварэць. Вельмі актуальна, згадзіцеся?..

– Я параду сваю пачну ад адваротнага (смяецца). Каб захварэць, трэба няшмат: моцна раззлавацца на кагосьці, адчуць вялікі стрэс і добра так прамерзнуць! І хвароба не заставіць сябе доўга чакаць. Таму, паважаныя чытачы, не рабіце так – і будзеце здаровыя! А таксама моцна верце ў свае жыццёвыя сілы. Яны ёсць у кожнага. Проста іх трэба абудзіць.

ПВ. Использование материала без разрешения редакции запрещено. Обращаться на info@pvlida.by.


«Бизнес-Лида», 2020.

Если вы заметили ошибку в тексте, пожалуйста, выделите её и нажмите Ctrl+Enter

Комментарии 5

Чтобы написать комментарий нужно войти  или зарегистрироваться

Саша #2202 , 13 марта, 20:16#
Здароўя і поспехаў.
Вітольд Ашурак , 13 марта, 21:57#
Паважаны Лявон, ганарымся Вамі!!!
Асисяй_ , 14 марта, 11:11#
Лявон, ты молодец. Ми всі дуже тобою пишаємося. Давай ще й в Китай збігай, принеси нам коронавірусу, будь ласка
Дембель#2680 , 16 марта, 09:26#
Не закодирован? не?
Сергей #8004 , 17 марта, 16:14#
5000 км забег? Для его возраста многовато, мотор может и не выдержать. Да и выглядит неважно, нездоровый цвет лица.