28 января 2016

Праграмы Ватыканскага радыё можна будзе штодзённа слухать у Лiдзе

Беларускае Радыё Рацыя з 1 лютага 2016 г. пачынае штодзённую рэтрансляцыю праграм Беларускай рэдакцыі Ватыканскага радыё. 

19-хвілінная перадача з Ватыкану будзе выходзіць у эфір з панядзелка па пятніцу у 22.10 паводле беларускага часу, а па суботах і нядзелях у 23.10, паведамляе pl.radiovaticana.va.

Вяшчанне Радыё Рацыя ахоплівае тэрыторыю, якую насяляе каля 2,5 мільёнаў чалавек. На хвалі 98,1 FM яго можна слухаць у Лідзе. Радыё Рацыя можна слухаць практычна ва ўсёй паласе польска-беларускай мяжы.

Для Беларускай рэдакцыі Ватыканскага радыё гэта падзея стала гістарычнай. Упершыню за 66-гадовую гісторыю нашы праграмы будуць рэтрансліравацца іншай радыёстанцыяй штодзённа і ў поўным фармаце.

Трэба нагадаць, што навіны Ватыканскага радыё выходзяць у эфіры Першага нацыянальнага канала Беларускага радыё. Але выпуск, працягласцю ўсяго 5 хвілін, гучыць толькі раз на тыдзень, у нядзелю раніцай.


© «Бизнес-Лида», 2016. 

Комментарии 0

Нет ни одного комментария. Вы можете стать первым!

Чтобы написать комментарий нужно войти  или зарегистрироваться