28 августа 2017

Фотафакт: пад Лiдай прайшоў XI Лідскі байк-фэст

25 жніўня каля Ліды пачаўся маштабны XI Лідскі байк-фэст. Ён цягнуўся тры дні і закончыўся 27 жніўня.

Сёлета гэты фэст больш падобны на лайн-ап «Басовішча», чым на байкерскі злёт. У першы дзень імпрэзы асноўнымі выступоўцамі былі беларускія гурты The Superbullz, «Дай дарогу» і хэдлайнар вечара Brutto на чале з Сяргеем Міхалком. Паслухаць гэтых музыкантаў, а таксама весела правесці час прыехалі людзі з розных куткоў Беларусі, а таксама Літвы, Украіны, Расеі, Польшчы і іншых краін. У натоўпе падчас канцэрту былі заўважаныя беларускія нацыянальныя бел-чырвона-белыя сцягі, а таксама чырвона-белы сцяг Польшчы.

The Superbullz выступілі моцна і з драйвам, а гэтаму гурту ўсяго трохі больш за год, і ён упэўнена ўвайшоў у кола лідараў беларускага року. Іхні «хард-кор з «Заходняга Палесся» прыйшоўся даспадобы слухачам.

Потым на сцэну выйшаў берасцейскі гурт «Дай Дарогу», які, як заўважыў вядучы, ужо сёмы раз выступае на Лідскім байк-фэсце. Вечна бадзёры Юрась Стыльскі і яго маладыя і вельмі прафесійныя музыкі так зайгралі, што арганізатарам прыйшлося трымаць борцікі, якія ледзь не знёс натоўп. Гіты «Прыгай в коляску», «Д.С.Г.П», «10 миллионов рабов» гледачы спявалі разам з «Дай Дарогу». Гурт завяршыў свой сэт пад усеагульныя авацыі, праспяваўшы на біс гіт Цоя «Видели ночь».

У перапынку паміж выступамі «Дай Дарогу» і Brutto арганізатары разам з вядомымі тату-майстрамі Алесем Таболічам (Менск) і Піпеткай (Гродна) абіралі дзяўчыну з самым прыгожым тату. Перамагла дзяўчынка з Брэста, якая атрымала сертыфікат на бясплатнае тату. Дзяўчаты, якія занялі другое і трэцяе месцы, атрымалі вышыванкі і іншыя падарункі.

Перад выступам музыкаў Brutto вядучы Аляксандр Лычкоўскі заўважыў, што нарэшце гэты легендарны беларускі гурт зайграў на Лідскім фэсце. Гучалі знакамітыя песні Сяргея Міхалка і яго калектыву: «Манифест», «Родны край», «Капитал», «Воины света», а таксама зусім новыя песні «Папяроска» і «Сабатаж», якія публіка прыняла на ўра. Апафеозам сэту стала песня на верш Янкі Купалы «Ня быць скотам». Пасля заканчэння выступу Brutto адзначылі, што яны на Лідскім байк-фэсце першы раз, але не апошні і абавязкова яшчэ вернуцца сюды.

Трэба адзначыць, што фэст быў арганізаваны шыкоўна, усё было зроблена вельмі прадумана і прафесійна. За гэта прысутныя з вялікай павагай дзякавалі арганізатарам. Таму ўражанні ад першага дня фэсту толькі станоўчыя.

У другі дзень фэсту гасцей чакала таксама шмат цікавага і прышпільнага: выезд калоны байкераў у Ліду і Шчучын, разнастайныя конкурсы, розыгрыш матацыкла і вялікага запасу тушонкі, лазернае шоу. Сярод выступаючых гуртоў зазначым выступ расейскіх панкаў з гурту «Бригадный подряд» і легенды беларускага року Лявона Вольскага з гуртам «Крамбамбуля». Гурт Т-34 не выступаў.

Крынiца: gs.by

Фота: «Слонiмская газета», Гродфуд, Татьяна Минкевич, Сергей Панцив, Сергей Громов, Александр Рушлевич, Евгений Шайко, Сергей Курилюк, Инка Ильинова, Андрей Серов, Лидия Федаш, Юлия Кудряшова, Владимир Тарас.


«Бизнес-Лида», 2017.

Если вы заметили ошибку в тексте, пожалуйста, выделите её и нажмите Ctrl+Enter

Комментарии 1

Чтобы написать комментарий нужно войти  или зарегистрироваться

А Вот и Я , 29 августа, 19:11#
Не цикава(((