3 сентября 2007

Забастовка предпринимателей переносится на октябрь

Лидеры движения «За свободное предпринимательство» заявили об отмене объявленной ранее забастовки на рынках в Беларуси. Каковы причины такого решения?

6 жніўня ў Сьветлагорску з пратэстам на плошчу перад будынкам райвыканкаму выйшлі прыватныя гандляры. Ад улады яны патрабавалі спыніць канфіскацыю тавараў кантралёрамі з фіскальных органаў.

Кіраўнікі Сьветлагорскага райвыканкаму не абяцалі хуткага выпраўленьня сытуацыі. Прадпрымальнікі вырашылі распачаць страйк 1 верасьня.

“Мы вырашылі, што чым 10-15 гарадоў будуць страйкаваць сёньня, то лепш верасень месяц выкарыстаць на падрыхтоўку. Таму пераносім тэрмін страйку, каб сустрэцца з актывам у Беларусі, добра падрыхтавацца і правесьці страйк ў кастрычніку”, -- заявіў “Радыё Свабода” лідэр прадпрымальнікаў Сьветлагорску Анатоль Зьмітровіч.

У жніўні ў Бабруйску таксама мітынгавалі прадпрымальнікі. Пра настроі іх у сёньняшні дзень паведамляе “Свабодзе” Алена Мядзьведзева, старшыня камітэту самаабароны на калгасным рынку:

“Наш рынак ужо асьцерагаюцца наведваць. Гэта значыць, што вялікага ўціску няма. Падатковая служба сама баіцца. Яны не жадаюць мець непрыемнасьці, не жадаюць шуму. Але мы да акцыі рыхтуемся. І мы пойдзем. Але 1 верасьня гэта нерэальна. Будзем у Менску і будзем вырашаць, калі зьбіраць людзей”.

“Прадпрымальнікі самі захацелі, каб гэта адбылося ў кастрычніку месяцы, а ня ў верасьні. Таму што многія з нас заплацілі падаткі загадзя. Акрамя таго, не адбылося актыўнай падрыхтоўкі”, -- гаворыць прадпрымальнік з Рэчыцы Алег Шабетнік.

Камэнтуе сытуацыю лідэр незарэгістраванага “Руху за разьвіцьцё прадпрымальніцтва” Віктар Гарбачоў:

“Ідэя страйку не адмяняецца, ён плянуецца адназначна ўвосень. Рабіць страйк на ўзроўні аднаго, двух ці трох гарадоў зараз ня мае сэнсу. 760-ы ўказ Лукашэнкі настолькі страшны, што калі мы зробім цяпер дробныя акцыі, толькі ўшчыпнем уладу, то будзе сабе ў шкоду”.

 

Источник: www.charter97.org

Если вы заметили ошибку в тексте, пожалуйста, выделите её и нажмите Ctrl+Enter

Комментарии 0

Нет ни одного комментария. Вы можете стать первым!

Чтобы написать комментарий нужно войти  или зарегистрироваться