25 февраля 2014

Як рэкламаваць культурніцкія падзеі і прадукты? - Разбіраем на жыццёвых прыкладах у Лідзе

27 лютага кампанія «Будзьма беларусамі!» праводзіць адмысловае ток-шоў, прысвечанае пытанням рэкламы культурніцкіх падзей, праектаў і іншых «прадуктаў» у сацыякультурнай сферы.

Як сутыкаюцца дзейнасць традыцыйных установаў культуры і маркетызаванае мысленне сённяшняга грамадства? Ці хапае лідчанам інфармацыі пра культурніцкія падзеі, што праводзяцца ў горадзе? Якіх складанасцяў і памылак можна пазбегнуць усім гульцам на сённяшнім культурніцкім рынку? — гэтым і іншым, самым жывым і набалелым пытанням будзе прысвечаная сустрэча у Лідскім Цэнтры рамёстваў і традыцыйнай культуры ў чацвер, 27 лютага. Дадзенае офлайнавае ток-шоў стане часткай серыі дыскусійна-прэзентацыйных сустрэч, аб’яднаных агульнай ідэяй «Культура паляпшае жыццё!» ад грамадскай культурніцкай кампаніі «Будзьма беларусамі!»

У размове прымуць удзел культурніцкія мэнэджары з г. Ліды і адмыслова запрошаныя госці: Крысціна Хомбак, арт-дырэктар бара «Куба», мэнаджар праектаў у парку атракцыёнаў (Гродна), і Павал Касцюкевіч, арт-дырэктар кнігарні «ЛогвінаЎ» (Менск).

Запрашаюцца ўсе, зацікаўленыя ў развіцці культурніцкага жыцця свайго горада!

Месца правядзення: Лідскі раённы Цэнтр рамёстваў і традыцыйнай культуры «Спадчына», вул. Савецкая, 12.
Пачатак: 18:00
Уваход вольны.

Комментарии 0

Нет ни одного комментария. Вы можете стать первым!

Чтобы написать комментарий нужно войти  или зарегистрироваться