А1 у партнёрстве з Беларускім дзіцячым фондам працягвае праграму па абароне дзяцей і падлеткаў у лічбавай прасторы. У рамках праграмы А1 створыць Клуб адказных інфлюэнсераў «Ты ў сеціве», аб’яднаўшы беларускіх лідэраў думак, на якіх арыентуецца моладзь у сацыяльных сетках. Сустрэчы Клуба ў фармаце круглых сталоў з экспертамі па кібербяспецы, рекламным уплыве, псіхолагамі і педагогамі будуць накіраваныя на павышэнне інфармаванасці аб адказным уплыве ў сацыяльных сетках і стварэнні бяспечнага анлайн-асяроддзя.
Лічбавыя тэхналогіі сталі неад’емнай часткай жыцця, асабліва для дзяцей і падлеткаў, забяспечваючы іх унікальнымі магчымасцямі для навучання і зносін, але таксама ствараючы мноства пагроз. Каб дапамагчы моладзі развіць навыкі бяспечных паводзін у інтэрнэце, А1 вырашыўпрыцягнуць беларускіх інфлюэнсераў — тых, на каго дзеці і падлеткі арыентуюцца ў пошуку ролевых мадэлей і хто б мог данесці важныя пасланні да шырокай юнай аўдыторыі.
А1 імкнецца стварыць прастору для абмеркавання актуальных пытанняў лічбавай бяспекі, абмену вопытам і лепшымі практыкамі, а таксама фарміравання камфортнага анлайн-асяроддзя. У рамках сваёй стратэгіі экалагічнага, сацыяльнага і карпаратыўнага кіравання (ESG) кампанія не толькі забяспечвае хуткую і надзейную сувязь, але і працуе над тым, каб інтэрнэт зрабіўся бяспечнай і камфортнай прасторай для ўсіх. Стварэнне абароненага лічбавага асяроддзя асабліва важліва для будучых пакаленняў, паколькі дзеці і падлеткі ўсё больш часу бавяць у інтэрнэце і сутыкаюцца з рознымі пагрозамі. Рашэнне гэтай задачы патрабуе сумесных намаганняў, таму А1 аб’яднаўся з Беларускім дзіцячым фондам і блогерамі, каб стварыць Клуб адказных інфлюэнсераў «Ты ў сеціве».
Беларускія блогеры і стваральнікі кантэнту, якія працуюць з юнай і моладзевай аўдыторыяй, будуць прымаць удзел у рэгулярных сустрэчах і абмяркоўваць актуальныя пытанні ўплыву анлайн-асяроддзя на дзяцей і падлеткаў. Лічбавы дабрабыт, бяспека, адпаведны і неадпаведны кантэнт, рэклама і штучны інтэлект — у дыскусіях на гэтыя тэмы прымуць удзел запрошаныя эксперты па кібербяспецы і рэкламе, псіхолагі і педагогі. Серыя сустрэч запланаваная для таго, каб беларускія інфлюэнсеры сфарміравалі сумеснае бачанне свайго ўплыву на дзяцей і падлеткаў і прасоўвалі культуру адказных паводзін у інтэрнэце.
Ужо зараз кожны стваральнік анлайн-кантэнту можа прайсці тэст, каб зразумець, як ён уплывае на сваіх падпісчыкаў. Зрабіць гэта, а таксама ўступіць у Клуб можна тут. Для зручнасці ўдзельнікаў колькасць месцаў абмежаваная.
«Бизнес-Лида», 2025.
