LIDBEER 4.0: адзін з лідараў фестывальнага руху краіны гучна закрые сезон open air’аў выступленнем гурту Ленінград

Чацвёрты раз у Лідзе пройдзе ўпадабаны тысячамі беларусаў фестываль хмелю, соладу і вады LIDBEER. Гасцей чакае вялікі разнастайны фудкорт, розныя забавы і квэсты, выступленні вулічных артыстаў і маладых музыкантаў, а таксама гала-канцэрт адных з лепшых музыкантаў сучаснасці.

LIDBEER не парушае традыцый, таму зноў на галоўнай сцэне выступяць рок-гурты з Беларусі, Расіі і Украіны: ЧуVство Полета, Nizkiz, Animal Джаz, Воплі Відоплясова. Хэдлайнерам канцэрта стане групоўка Ленинград, якая ўпершыню за некалькі гадоў пацешыць беларусаў адкрытым фарматам выступлення.

Камфорт гледачоў – на першым месцы

LIDBEER-2017 запомніўся наведвальнікам фестывалю не толькі гучнымі музычнымі імёнамі, але і якаснай арганізацыяй. Сёлета арганізатары таксама ўдзяляюць шмат увагі камфорту гледачоў і сочаць за якасцю паслуг.

Так, плануецца змяніць размяшчэнне фестывальных зон, каб аптымізаваць пешаходныя плыні. Павялічаная колькасць кропак фудкорта дазволіць зменшыць час чакання заказу. З’явяцца і дадатковыя зоны адпачынку: усе жадаючыя змогуць зручна размясціцца каля муроў замка ці на набярэжнай ракі Лідзейкі.

Упадабаны многімі фанатамі фестывальнага руху палаткавы гарадок фармату «allinclusive» (з магчымасцю не толькі заняць месца для начлегу, але і ўзяць у арэнду палатку ці спальны мяшок) застанецца.

Фестывальныя пляцоўкі пачнуць работу ў 10:00, што дазволіць гасцям свята паспець не толькі паўдзельнічаць ва ўсіх забавах, але і паглядзець усе славутыя мясціны горада. Канцэртная праграма на вялікай сцэне пачнецца ў 17:30.

Асаблівая атмасфера

LIDBEER славіцца адмысловай атмасферай драйву і весялосці, прыязнасці і адкрытасці. На адзін дзень сталіца беларускага броварства Ліда ператворыцца ў сапраўдны горад-фестываль. Цёплай атмасферы будзе спрыяць і адно з галоўных новаўвядзенняў леташняга open-air: LIDBEER-2018 працягне размаўляць па-беларуску.

Абноўлены фармат камунікацыі атрымаў станоўчыя водгукі ад гасцей мерапрыемства. Арганізатар фестывалю – кампанія «Лідскае піва» — адзін з буйнейшых піваварных заводаў Беларусі, ужо два гады размаўляе са спажыўцамі па-беларуску і ажыццяўляе праекты па падтрымцы роднай мовы і культуры. Сёлетні LIDBEER пацешыць новымі забавамі і пацехамі ў беларускім нацыянальным стылі.

Дарэчы, завод «Лідскае піва» зноў адчыніць дзверы для гасцей свята. У дзень фестывалю наведвальнікі змогуць запісацца на бясплатную экскурсію па вытворчасці і даведацца пра гісторыю бровара, які бесперапынна працуе з 1876 года. Колькаць экскурсійных груп абмежавана!

Сумленны інтэрактыў

Інтэрактыўны фармат фестывалю захаваецца, але будзе крыху зменены. Праз сайт lidbeer.by любы таленавіты музыкант ці калектыў, майстар-рамеснік або кампанія-прадстаўнік грамадскага харчавання можа падаць заяўку і прыняць удзел у арганізацыі вялікага свята. Аднак, каб аддаць голас за каго-небудзь з прэтэндэнтаў, наведвальнікам сайта трэба будзе прайсці паўнавартасную рэгістрацыю. Такім чынам арганізатары плануюць забяспечыць больш празрыстую сістэму галасавання і засцерагчы ўдзельнікаў ад накрутак.

Заяўкі прымаюцца з 18 чэрвеня па 6 ліпеня 2018 года, а галасаванне пачнецца 9 ліпеня і скончыцца 31 ліпеня 2018 года. Пераможца галасавання сярод маладых музычных калектываў атрымае магчымасць адкрыць канцэрт на галоўнай сцэне на LIDBEER-2019.

Круты гала-канцэрт па дэмакратычнай цане

На тэрыторыі гала-канцэрта будзе працаваць асобны фудкорт і будуць ладзіцца розныя забавы. Увечары адбудзецца галоўная падзея open-air– гучны канцэрт з удзелам яскравых рок-калектываў Беларусі, Расіі і Украіны. На адной сцэне выступяць ЧуVство Полёта, Nizkiz, Animal Джаz, Воплі Відоплясова. Кульмінацыяй канцэрта стане выступленне групоўкі Ленинград.

Стартавы кошт уваходных квіткоў – 25 беларускіхрублёў за квіток. Колькаць квіткоў па спецыяльнай цане абмежавана.

ЧуVство Полёта

Гучна адкрыюць гала-канцэртпераможцы леташняга галасавання за лепшы малады беларускіх гурт ЧуVство Полёта. Амбіцыйны бабруйскі поп-рок-калектыў актыўна адваёўвае сваё месца пад сонцам айчыннай альтэрнатыўнай сцэны. На рахунку музыкантаў дэбютны альбом «Я знаю, ты со мной», 5 відэакліпаў, выступленні на буйных фестывалях і ратацыя песень на беларускіх радыёстанцыях.

Nizkiz

Энергічнаму рок-гурту з Магілёва сёлета спаўняецца 10 гадоў. За гэты час у арсенале хлопцаў набралася досыць руска- і  беларускамоўных песень, многія з якіх можна пачуць у ратацыі топавых радыёстанцый. Год таму Nizkiz прадставілі трэці паўнафарматны дыск «Синоптик», і трэкі з яго адразу трапілі ў першыя радкі радыёчартаў. Песня «Небяспечна» па версіі прэміі«Героі года» была прызнаная песняй года.

AnimalДжаZ

На канцэртах гэтых пецярбургскіх рамантыкаў не прапхнуцца, а «зверскі джаз» гайдае аўдыторыю з першага куплета. За сваю 17-гадовую гісторыю гурт паспеў сыграць на адной сцэне з такімі зоркамі, як Linkin Park, Red Hot Chili Peppers, Garbage і Rasmus.

Для наведвальнікаў LIDBEER калектыў падрыхтаваў не толькі славутыя хіты, але і кавалачак «Счастья» – менавіта так называецца апошні студыйны альбом гурту, запісаны ў 2018 годзе.

Воплі Відоплясова

Іх называюць заснавальнікамі ўкраінскага рок-н-рола і этна-рока, бо менавіта яны сталі першымі рокерамі, якія выконваюць песні на ўкраінскай мове. Дэбютным альбомам«Танці» калектыў гучна заявіў пра сябе 30 гадоў таму, а выхад альбома «Музіка» зрабіў гурт Алега Скрыпкі неверагодна папулярным на ўсёй постсавецкай прасторы. На LIDBEER-2018 Воплі Відоплясова выканаюць свае галоўныя хіты, а магчыма, мы пачуем вядомыя «Танці» на беларускай мове!

Ленинград

Групоўка Сяргея Шнурава не патрабуе асобага прадстаўлення: «Рыба», «Экспонат», «Сумка», «Менеджер», «WWW» – гэтыя і многія іншыя песні на слыху ў кожнага другога жыхара зямнога шара. Нядаўна калектыў адсвяткаваў 20-годдзе творчай дзейнасці і зараз актыўна гастралюе з юбілейнай праграмай. Госці нашага фестывалю пачуюць хіты групоўкі Ленинград 8 верасня на галоўнай сцэне LIDBEER-2018!

LIDBEER-2018 – давай зробім гучна!

Даведкі па тэлефоне (наконт квіткоў): +375 (17) 293-03-74 ці кароткі нумар 7-360 (без выхадных з 9:00-21:00). Даведкі па іншых пытаннях: 8-801-204-20-20 (бясплатная гарачая лінія без выхадных з 08:00 да 20:00). Уваход на фестываль вольны. Кошт квіткоў на гала-канцэрт – 25 BYN (колькасцьквіткоў па стартавайцанеабмежавана). Набыць квіткі без камісіі можна на сайце lidbeer.by. Квіткі таксама рэалізуе аператар kvitki.by (аператар бярэ камісію).


«Бизнес-Лида», 2018.

Если вы заметили ошибку в тексте, пожалуйста, выделите её и нажмите Ctrl+Enter

Комментарии 10

Чтобы написать комментарий нужно войти  или зарегистрироваться

Alex #6271 , 12 июня, 20:27#
Мне вот интересно, артистов поят теми же помоями, что нас потчуют в магазинах или отдельно сваренным, для дорогих гостей?
v4talik , 12 июня, 20:48#
купи себе дорогих помоев, в чем проблема
Санёк , 13 июня, 08:10#
После "лидского" весь праздник сводится к тому что стоишь в очередях в сартир. Лучше водки выпить.
Саша , 13 июня, 09:50#
Не пей и не стой. сОртир вообще-то. Жри водку тихо у себя дома.
Саша , 13 июня, 09:51#
что ты здесь делаешь?? едь во Францию живи там и пей божоле!!
Саша #10143 , 12 июня, 21:51#
Нормальное пиво, может не все но есть, а кому не нравиться пейте молоко.
solo , 13 июня, 13:31#
И так в городе мат стоит на каждом шагу (в магазинах , на улице, в школах ,в транспорте...) А тут будет со сцены! Да ещё и через динамики!
Viktat , 13 июня, 17:11#
Вот именно никто и не заметит, особенно дети, их родители и так матом дома разговаривают.
Gembl4 , 13 июня, 18:56#
В точку
Sten , 16 июня, 20:58#
Асаблівае дзякуй за NIZKIZ ! Галоўнае арганізатарам паклапаціцца наконт добрага гуку.