Кампанія «Лідскае піва» выпусціла новыя прадукты: піва Koronet Brown Ale i Australian Light Lager, квас «Лідскі квас Летні» з сокам яблыка і кізіла, сідр FIZZ Рэвень (Rhubarb) і газаваны напой Pepsi Wild Cherry.

KORONET BROWN ALE

З 5 красавіка кампанія «Лідскае піва» пачынае продажы новага гатунку ў лінейцы KORONET — KORONET BROWN ALE.

Навінка ад лідскіх півавараў бярэ пачатак ад папулярнага ў XVIII стагоддзі ангельскага піва. У XIX стагоддзі карычневы эль як гатунак практычна знік з поля зроку з прычыны дарагоўлі цёмнага соладу, зноў ён быў адроджаны толькі ў канцы стагоддзя. З 1920-х гадоў карычневы эль атрымаў шырокае распаўсюджанне не толькі ў Англіі, але і ў іншых краінах.

Пры вытворчасці KORONET BROWN ALE выкарыстоўваецца тэхналогія верхавога браджэння дрожджаў, якая характэрна для класічных брытанскіх эляў.

Масавая доля сухіх рэчываў у пачатковым сусле — 10,5%. Хмель East Kent Goldings, які традыцыйна выкарыстоўваецца ў вытворчасці англійскіх эляў, надае смаку новага гатунку лёгкую, але прыкметную гарчынку. Адметная рыса KORONET BROWN ALE — адчувальны карамельны смак з ноткамі бісквіта або падсмажанага тоста. Прадукт мае саладкаваты водар з нотамі шакаладу і арэхаў. Адметны смак прадукту ствараецца за кошт спалучэння саладоў Chateau Chocolat і Chateau Black. У KORONET BROWN ALE цёмны, бліжэй да карычневага колер, што адпавядае колеру традыцыйнага ангельскага карычневага элю. Каляровасць прадукту — 40-50 ЕВС.

Прадукт ўводзіцца ў асартымент на пастаяннай аснове і будзе прадстаўлены ў фармаце каралеўскай пінты: шкляная бутэлька 0,568 л. Дызайн KORONET BROWN ALE выкананы ў брытанскай стылістыцы і з’яўляецца лагічным працягам усёй лінейкі KORONET. Цана прадукту будзе аналагічнай іншым гатункам у лінейцы KORONET.

AUSTRALIAN LIGHT LAGER

20 сакавіка кампанія «Лідскае піва» прадставіла новы гатунак піва — Australian Light Lager (аўстралійскі светлы лагер). Навінка папоўніла крафтавую серыю «Калекцыя Майстра». Прэзентацыя гатунку прайшла ў рамках паўфіналу рэспубліканскага прафесійнага конкурсу бармэнаў LIDSKAE BEER MASTER.

Australian Light Lager з «Калекцыі Майстра» — лагер мацункам 4,8%, пры вырабе якога прыменена тэхналогія «dry hopping» (сухое ахмяленне). Згодна з гэтай тэхналогіяй, якая была вынайдзеная ў Вялікабрытаніі ў 1820 годзе, хмель дадаецца ў піва на халоднай стадыі падчас працэсу браджэння. Выкарыстанне «dry hopping» —найлепшы спосаб надаць свежы хмелевы водар і смак піву. Півавары выкарыстоўваюць гэты дадатковы крок для поўнай перадачы букета выкарыстанага хмелю.

Аўстралійскі характар навінкі задаюць 2 віды хмелю, выведзеныя непасрэдна на «зялёным кантыненце». Хмель Ella прыўносіць у Australian Light Lager кветкавыя тоны, пераплеценыя з ноткамі бадзяна, якія вельмі цэняцца ў лагерах ці пілснэрах. Хмель Vic Secret упершыню быў прадстаўлены на сусветным піваварным рынку ўсяго 5 гадоў таму, ён мае чыстыя, выразныя фруктовыя і сасновыя характарыстыкі і дапаўняе навінку араматычнымі нотамі ананаса, яблыка і грэйпфрута.

Масавая доля сухіх рэчываў у Australian Light Lager з «Калекцыі Майстра» — 11%. Каляровасць прадукту складае 6-8 EBC, паказчык горычы ў навінцы дасягае ад 18 да 24 IBU. Рэкамендавананя тэмпература ўжывання: 12 °С.

Australian Light Lager пачне з’яўляцца ў продажы з 21 сакавіка. Прадукт будзе прадстаўлены ў фармаце шклянай бутэлькі 0,5 л. Піва выпушчана абмежаванай партыяй — усяго 200 000 л.

Australian Light Lager стаў 1-ай піўной навінкай, прэзентаванай кампаніяй «Лідскае піва» з пачатку 2018 года, а таксама 11 смакам з серыі «Калекцыя Майстра».

ЛІДСКІ КВАС ЛЕТНІ

Лінейка квасу ад кампаніі «Лідскае піва» папоўнілася новым сезонным смакам — Лідскі квас Летні. У натуральным квасе браджэння, выпушчаным абмежаванай серыяй спецыяльна да летняга сезона, утрымліваюцца натуральныя сокі яблыка і пладоў кізіла.

Як і ўсе прадстаўнікі квасной лінейкі ад лідскага завода, Лідскі квас Летні не ўтрымлівае кансервантаў. Пры гэтым даданне натуральных сокаў надало яму мяккі асвяжальны смак і зрабіла квас яшчэ больш карысным: плады кізіла багатыя вітамінам С і пекцінавымі рэчывамі, а яблыкі маюць выяўленыя антыаксідантныя ўласцівасці і з’яўляюцца крыніцамі мноства мінералаў і арганічных кіслот.

Навінка цудоўна здаволіць смагу ў спякоту, а таксама стане выдатным дадаткам да любога будзённага і святочнага стала. Рэкамендуемая тэмпература захоўвання квасу: ад 0° да 22 °С.

Лідскі квас Летні выпушчаны ў ПЭТ-бутэльках аб’ёмам 0,5 і 1,5 літра. Спажыўцы па вартасці ацэняць не толькі зручны фармат, але і арыгінальнае афармленне прадукту. Дызайн этыкеткі быў распрацаваны спецыялістамі міжнароднага брэндынгавага агенцтва DDH Branding Consultancy. Летні настрой новага квасу перадаюць вядомыя візуальныя атрыбуты пляжнага адпачынку. Яркая этыкетка прыцягне ўвагу не толькі пастаянных спажыўцоў Лідскага квасу, але і аматараў квасных навінак.

Рэкамендаваная цана складае 1,11 беларускіх рублёў і 2,09 беларускіх рублёў за бутэльку 0,5 і 1,5 літра адпаведна.

Квас выпушчаны абмежаванай серыяй — навінка даступная на паліцах рознічных крамаў і ў гандлёвых сетках па ўсёй краіне з 3 красавіка і будзе ў продажы да канца жніўня.

FIZZ РЭВЕНЬ (RHUBARB)

ААТ «Лідскае піва» дапоўніла лінейку сідру натуральнага браджэння FIZZ сезонным смакам. З пачатку красавіка і да восені ў асартыменце вытворцы будзе прысутнічаць FIZZ Рэвень (Rhubarb) — традыцыйны натуральны яблычны сідр, дапоўнены асвяжальнай кіслінкай рэвеню.

Сідр FIZZ Рэвень (Rhubarb) выраблены з 100-адсоткавага яблычнага соку шляхам натуральнага браджэння. Дзякуючы спалучэнню класічных для сідру яблычных саладкаватых нот і асвяжальнай кіслінкі рэвеню навінка атрымала далікатны мяккі смак. У гарачыя летнія дні смакавыя якасці FIZZ Рэвень (Rhubarb) можна ўзмацніць даданнем лёду ў куфаль.

Навінка будзе выпускацца ў ПЭТ-бутэльках аб’ёмам 1 л. Мацунак сідру — 4,5%. Рэкамендаваная цана для гандлёвых кропак складзе 2,68 беларускіх рублёў.

Сідр FIZZ Рэвень (Rhubarb) працягвае прыняты ў кампаніі стандарт «clean label» («чыстая этыкетка»), згодна з якім у рэцэптуры сідру натуральнага браджэння не выкарыстоўваюцца араматызатары, штучныя фарбавальнікі і зніжана колькасць цукру.

PEPSI WILD CHERRY

Pepsi Wild Cherry — навінка, створаная адмыслова для аматараў асвяжальных газаваных напояў.

Галоўная асаблівасць Pepsi Wild Cherry — насычаны смак вішні, якая надае напою тонкі фрукто выводар і прыемную слодыч і гарманічна спалучаецца са смакам колы. Напой не ўтрымлівае цукар, што робіць яго выдатным выбарам для тых, хто шукае яркі незвычайны смак без калорый. Навінка будзе выпускацца ў ПЭТ-бутэльках — 0,5 л, 1 л, 1,5 л.