У Воранава ўрачыста адкрылі ўнікальны культурна-адукацыйны цэнтр «Беларускi дранік». Першымі яго наведвальнікамі сталі кіраўніцтва раёна і ганаровыя госці свята.
Тут бульба — не проста другі хлеб, а сапраўдная легенда, якая аб'ядноўвае пакаленні. Кожная экспазіцыя цэнтра наладжана так, што наведвальнік адпраўляецца ў захапляльнае падарожжа ў часе.
У гістарычнай зоне можна прасачыць доўгі шлях бульбы на беларускія землі і даведацца, якія прылады працы выкарыстоўвалі сяляне для яе вырошчвання і збору.
На асобным стэндзе з гонарам дэманструюцца перадавыя сарты бульбы, якія сёння паспяхова вырошчваюць у гаспадарках Воранаўшчыны.
Адмысловае месца адведзена стравам з цёртай бульбы. Тут сабраны багатая калекцыя арыгінальных рэцэптаў з усіх куткоў Беларусі і кулінарныя таямніцы мясцовых гаспадынь.
Сэрца цэнтра — зала дэгустацыі. Прастора, стылізаваная пад сялянскую кухню з аўтэнтычным посудам, імгненна пераносіць наведвальнікаў у атмасферу шчырай беларускай гасціннасці. Але галоўнае — прама з патэльні гасцям падносяць знакамітыя «нацкія дзеруны».
Цяпер у кожнага жыхара і госця рэгіёну ёсць месца, дзе можна не толькі даведацца ўсё пра галоўны гастранамічны сімвал Беларусі, але і паспрабаваць яго мясцовую версію.
«Бизнес-Лида», 2026
