4 апреля 2020

Каталіцкі Касцёл у Лiдзе пераходзіць на анлайн трансляцыі ў Instagram і YouTube. Бліжэйшая — 5 красавіка

Да вернікаў звяртаецца ксёндз Уладзімір Гуляй.

Перад усім, звяртаюся да вернікаў, асабліва да людзей старэйшага ўзросту, асобаў з сімптомамі хваробы і да тых, хто адчувае страх заражэння, з просьбай у гэтыя складаныя дні карыстацца дыспенсай, дадзенай раней, заставацца дома і ўдзельнічаць у набажэнствах Вялікага тыдня праз сродкі масавай камунікацыі.

Усю літургію Святога Пасхальнага Трыдуума можна будзе назіраць праз інтэрнэт. Анлайн-трансляцыя будзе адбывацца на старонцы нашай парафіі ў Instagram і на канале ў YouTube — назва LIDA FARA (Спасылка на трансляцыю youtube).

Расклад набажэнстваў

5 красавіка — Пальмовая нядзеля. Асвячэнне вербаў перад кожнай Святой Імшой (9:00; 11:00; 13:00; 15:00 (капліца); 16:00; 18:30) на вуліцы на прыкасцельнай тэрыторыі. Будзе магчымасць удзельнічаць на Імшы на вуліцы.

9 красавіка — Імша Вячэры Пана а гадз. 18:00.

10 красавіка — Набажэнства Вялікай Пятніцы распачнецца Крыжовым шляхам каля касцела пры ўмове добрага надвор’я ў 17.00.

Набажэнства Літургія Мукі Пана, цэнтральнай часткай якой з’яўляецца адарацыя святога Крыжа а гадз.18:00

11 красавіка — Пасхальная Вігілія Вялікай Суботы — урачыстая Святая Імша, якая абвяшчае Уваскрасенне Езуса Хрыста распачнецца ў 18:00.

Пачынаючы з 8:00 гадзіны да 17:00 (уключна) — (8:00, 8:30, 9:00, 9:30, 10:00 … і г. д.) што паўгадзіны на вуліцы каля касцёла адбудзецца асвячэнне страў на Вялікодны стол.

11:00 — Малэйкаўшчына, Споркаўшчына, Цьвермы

11:30 — Брандзяняты

12:00 — Ёдкі, Перапечыцы

12:30 — Капачэлі, Прыдыбайлы

12 красавіка — Вялікодная Нядзеля, Урачыстасць Змёртвыхпаўстання Пана.

Рэзурэкцыйная працэссія і Святая Імша  ў 6:00 гадзін раніцы, а таксама а гадз. 11:00; 13:00; 15:00 (капліца); 16:00 і 18:30.

У святы Пасхальны трыдуум збаўчай мукі, смерці і ўваскрасення нашага Пана Езуса Хрыста духоўна перажыць літургічныя цэлебрацыі можна будзе таксама з дапамогаю іх прамой трансляцыі, якую Бетэлерадыёкампанія тры дні запар будзе весці з мінскага катэдральнага касцёла Найсвяцейшага Імя Марыі.

Тэлеканал «Беларусь 3»

9 красавіка, Вялікі чацвер

19.00 — святая Імша Вячэры Пана

10 красавіка, Вялікая пятніца

19.00 — набажэнства адарацыі Святога Крыжа

Тэлеканал «Беларусь 1»

11 красавіка, Вялікая субота

21.45 — Пасхальная вігілія ў святую ноч Уваскрасення Пана

Усведамляючы выкліканыя пандэміяй каранавірусу складанасці як у асабістым і грамадскім жыцці, так і ў рэлігійнай практыцы, усіх вернікаў даручаю апецы Маці Божай Лідзкай, і святога Роха, заступніка ад заразных хваробаў, з надзеяй на іх заступніцтва перад Богам у прадухіленні гэтай хваробы.

З малітвай і пажаданнямі моцнага здароў’я кс. Уладзімір Гуляй.


«Бизнес-Лида», 2020. Залетай к нам в Telegram!

Если вы заметили ошибку в тексте, пожалуйста, выделите её и нажмите Ctrl+Enter

Комментарии 4

Чтобы написать комментарий нужно войти  или зарегистрироваться

Вітольд Ашурак , 5 апреля, 13:47#
Усіх беларускіх Каталікоў і Пратэстантаў шчыра віншую з Вербнай Нядзеляй! Не хварэйце, калі ласка, даражэнькія!
А Вот и Я , 5 апреля, 15:06#
Сказали по возможности сидеть дома и не ходить в костёл.Люди как-будто специально,всё делают наоборот).
А потом удивляються......
Lili #6522 , 5 апреля, 18:20#
Делают они это не специально, а от глупости. Потом будут плакать и винить врачей, что не помогли. Вирус у некоторых протекает бессимптомно. У некоторых впоследствии пневмония. То ли ещё будет. Ни один из тех, кто ходит в костел и не только не задумывается о страшных последствиях и осложнениях для людей. Юрий Санько сказал: Помните, что вода не освящает блюда на столе, не веточка вербы, а молитва! Он несомненно прав. Похоже, что некоторые не могут понять, что такое духовность и что такое вера. Как раз таки духовности нашим людям не хватает.
А Вот и Я , 5 апреля, 19:10#
Полностью согласен с Вами.