Намеснік старшыні Лідскага райвыканкама Андрэй Богдан адзначыў, што планы добраўпарадкавання ахопліваюць вуліцы Савецкую, Мітрапаліта Філарэта, а таксама закрануць пешаходную вуліцу Замкавую, Дажыначную плошчу і Курган Бессмяротнасці, паведамілі БелТА ў райвыканкаме.
На пешаходнай вуліцы Замкавай ужо ўстаноўлены новыя лаўкі і амаль тры дзясяткі кветачніц. У найбліжэйшых планах — мадэрнізацыя вулічнага асвятлення і стварэнне зручнай зоны парклета: плануецца ўстанавіць 24 літыя ліхтары, арыгінальныя лаўкі і столікі для гараджан. Прызамкавая тэрыторыя таксама стане яшчэ больш прывабнай для прагулак: ля возера праляжа сучасная вела-пешаходная дарожка, эскізнае рашэнне якой ужо распрацавана.
На вуліцы Савецкай з'явіцца каля 40 кашпо з аднагадовымі кветкамі. Дажыначную плошчу, дзе праходзяць асноўныя гарадскія мерапрыемствы, упрыгожаць 20 фітамодуляў з яркімі адналеткамі. Падвесныя кашпо размесцяцца на агароджы моста, які вядзе да Кургана Бяссмерця. Каваныя канструкцыі з кашпо, а таксама арыгінальныя тэматычныя і падвесныя лаўкі будуць устаноўлены і ў іншых месцах горада.
Да свята райцэнтр стане па-сапраўднаму квітнеючым: сёлета, апроч звыклых для горада 19000 адналеткаў, на вуліцах дадаткова высадзяць яшчэ 41000, частка з якіх будзе вырашчана ў цяпліцах ГУП ЖКГ. Ліду ўпрыгожаць больш за 600 кветачніц, уключаючы 400 падвесных кашпо і 20 фітамодуляў, а таксама з'явяцца амаль два дзясяткі новых кветнікаў. На вуліцах зацвітуць бягоніі, вярбейнікі, пеларгоніі, сурфініі і іншыя дэкаратыўныя расліны. На азеляненне з раённага бюджэту выдзелена каля 700 000 рублёў.
Работы па добраўпарадкаванні пачнуцца, як толькі дазволіць надвор'е, цяпер ідзе працэс выбару падраднай арганізацыі. Як падкрэсліў Андрэй Богдан, усе элементы добраўпарадкавання ў гістарычнай частцы горада будуць выкананы ў стылі галоўнай славутасці горада - Лідскага замка.
«Бизнес-Лида», 2025.
