Фота: помнік у Лідзе, прысвечаны беларускаму першадрукару і асветніку Францыску Скарыну.
Маштабнае свята ў райцэнтры адбудзецца ў першыя выхадныя верасня. Чакаюцца тысячы гасцей з усёй краіны, паведамляе СТВ.
З Лідай звязаны лёс паэта Валянціна Таўлая. Да Дня беларускага пісьменства яму ўсталююць помнік. З'явіцца таксама арт-аб'ект, прысвечаны вершу «Верабейкі». Кампазіцыю з граніту ўсталююць побач з домам, дзе жыў Валянцін Таўлай. Цяпер там размешчаны музей.
Рычард Груша, скульптар: «Уютный будет такой уголочек, вокруг которого стоят каменные скамеечки, из них выступают воробушки. А в центре будет на красивом пьедестале книга стоять. И на книге написан текст «Верабейкі» – на одной странице, а на второй – шрифтом Брайля для незрячих, чтобы можно было тоже почитать».
Фота: Камісія ў Лідзе абрала помнік Валянціну Таўлаю.
Алена Быстрыцкая, намеснік дырэктара Лідскай раённай бібліятэкі імя Янкі Купалы: «Ліда ўжо прымярае на сябе статус сталіцы Дня беларускай пісменства. Бібліятэка ўжо жыве ў прадчуванні гэтага свята. Зменіцца яе знешні выгляд, яна стане не проста прыгожай, а вельмі прыгожай. Адну са сцен упрыгожаць васількі і кніга, яшчэ на адной сцяне з'явіцца мурал з выявай Янкі Купалы, імя якога носіць бібліятэка».
Асаблівую ўвагу пры падрыхтоўцы да свята нададуць добраўпарадкаванню. Побач з замкам уладкуюць вела-пешаходную дарожку. Традыцыя святкавання Дня беларускага пісьменства ўзнікла ў 1994 годзе. Ліда стане ўжо 32-м горадам, які прымае маштабныя ўрачыстасці.
«Бизнес-Лида», 2025
