XXXII Дзень беларускага пісьменства прайшоў у Лідзе 6 і 7 верасня, пра гэта паведамляе агенцтваў «Мінск-Навіны».
Да свята ў Лідзе адрамантавалі бібліятэку, адкрылі абноўленую кнігарню «Белкніга», добраўпарадкавалі тэрыторыю каля Лідскага замка, распрацавалі новы турыстычны маршрут. А яшчэ зараз горад упрыгожвае і арт-аб'ект «Верабейкі» лідскага скульптара Рычарда Грушы. Гэта цікавая архітэктурная форма, якая створана паводле верша беларускага паэта Валянціна Таўлая.
Для гасцей горада падрыхтавалі і забавы, і пачастункі. Купіць сувеніры на памяць можна ў горадзе майстроў, а падмацавацца — на гастранамічным фэсце «Літаратура і страва». Таксама ўсе ахвотнiкi могуць паўдзельнічаць у майстар-класах. Напрыклад, майстар па лепцы з гліны Лідскага раённага цэнтра культуры і народнай творчасці Алена Свідзерская вучыць ствараць свістулькі.
«Радасна, што менавіта ў нашым горадзе праходзіць Дзень беларускага пісьменства. Ліда рыхтавалася загадзя. З пачатку году мы стваралі вырабы для розных мерапрыемстваў. Цяпер паказваем вынік», — адзначыла А. Свідзерская. «На нашай зямлі ёсць шмат літаратараў. У цэнтр да нас, напрыклад, прыходзіць шмат таленавітых майстроў, якія і сваімі рукамі нешта робяць, і вершы пішуць, і пасля выдаюцца».
Рамеснікі з усіх рэгіёнаў прывезлі свае вырабы. Асобай папулярнасцю карыстаўся посуд з дрэва. Кошты на яе адрозніваюцца: слоічак з дуба каштуе каля 100 рублёў, з арэхавага дрэва — 30 рублёў.
На свяце можна пазнаёміцца не толькі з навінкамі кнігавыдання, але і з прэсай. Маляўнічыя стэнды вядучых СМІ рэспублікі размясціліся на вуліцах горада.
МН, Фото СБ, СН, ГП, ВВ, БелТА
«Бизнес-Лида», 2025
