10 марта 2014

Выстава велікодных паштовак ладзіцца ў Фарным Касцёле

11 сакавіка, у аўторак, у Лідскім фарным касцёле пачнецца выстава серыі паштовак “Вялікдзень з беларускай паэзіяй”.

Серыя была падрыхтавана маладымі беларускімі мастакамі і дызайнерамі пад патранажам каталіцкага партала Гродзенскай дыяцэзіі Grodnensis.by. Паштоўкі створаны па матывам велікодных вершаў вядомых беларускіх паэтаў такіх як Я. Колас, Я. Купала, Р. Барадулін, Н. Арсеннева і інш. Гэтай акцыяй арганізатары хацелі б па-новаму паглядзець на Уваскрасенне Хрыстова і пашырыць цікавасць да паэзіі сярод беларусаў.

17 сакавіка, у апошні дзень выставы, пасля кожнай службы адбудзецца прэзентацыя выставы (нагадаем, што літургіі адбываюцца ў 09.00, 11.00, 13.00, 16.00, 19.00). Таксама будуць чытацца велікодныя вершы беларускіх паэтаў, якія былі выкарыстаны для стварэння серыі.

Запрашаем усіх ахвотных. Уваход вольны.


 

Если вы заметили ошибку в тексте, пожалуйста, выделите её и нажмите Ctrl+Enter

Комментарии 0

Нет ни одного комментария. Вы можете стать первым!

Чтобы написать комментарий нужно войти  или зарегистрироваться